«Коммерсантъ» тілшісінің сөзінше, Алматы қаласында 5 қаңтардан бері жаппай тәртіпсіздіктер кезінде өшірілген интернет өз жұмысын қайта бастады, деп хабарлайды Qazaqpress Коммерсантъ-қа сілтеме жасап.
Оның айтуынша, қазір сымды да, мобильді де интернет жұмыс істеп тұр.
Бұған дейін ТАСС Нұр-Сұлтанда сымды интернет жұмысының қайта жанданғаны туралы хабарлаған болатын. Агенттік тілшісінің хабарлауынша, елордада мобильді интернетке қолжетімділік әлі жабылған. Бірақ әлі нақты дерек жоқ. Себебі кейбір қала көшелерінде мобильді интернет желісі де істеп тұр.
NetBlocks мәліметтері бойынша, Қазақстандағы байланыс деңгейі қалыпты деңгейден 50%-тен сәл төмен.
«Мүмкін достарыңыз бен туыстарыңыз қазір хабарласа алатын шығар», — делінген топтың Twitter желісіндегі хабарламасында.
«Коммерсантъ» тілшісі Қазақстан аймағында орналасқан көптеген сайттар Ресейде қолжетімсіз екенін тексерді. Соның ішінде президент пен үкіметтің, сондай-ақ ҚазАқпарат мемлекеттік агенттігінің сайттары бар. Барлық сайттар мен желілер билік жариялаған аза тұту күніне қарай сұр реңін тартты.
2 қаңтар күні Қазақстанда биліктің сұйытылған газға тарифті көтеру туралы шешіміне наразылық шерулері басталған еді. Ал біраздан соң шерушілердің талаптары экономикалық сипаттан саяси сипатқа ұласып, қақтығыстар мен тәртіпсіздіктер басталды. Қаза тапқандар мен жараланғандар бар. Ішкі істер министрлігінің мәліметінше, елде 5 мыңнан астам адам ұсталған. Қазақстанда лаңкестік қауіптілігіне байланысты 19 қаңтарға дейін қызыл деңгейдегі төтенше жағдай қабылданды.
Сіз жаңалықтар туралы не ойлайсыз