Ірі жанармай құю станциялары Qazaq Oil Маңғыстау облысындағы сұйытылған газға қатысты мәлімдеме жасады, деп хабарлайды Qazaqpress Tengrinews-ке сілтеме жасап.
Аймақта сыртқы факторлардың әсерінен кейін сұйытылған газ құны қымбаттады. Qazaq Oil жанармай құю станцияларында жанармай құны 65 теңге, ал Жаңаөзенде 79 теңге көлемінде сақталып қалғанын айтты.
— Сұйытылған газға сұраныстың күрт артуына қарамастан Qazaq Oil корпоративтік клиенттерінің алдындағы міндеттемелерін бұрыңғы тұрақты бағамен купондар мен жанармай карталарын пайдалана отырып сатуға уәде берді. Шектеулі резервтерге байланысты жеке тұлғаларға отын жеткізуге шектеу енгізуге болады», – деп хабарлады жанармай құю станциялар желісі.
Сонымен қатар, компанияның мәліметі бойынша, 2022 жылдың 10-12 қаңтарынан кейін Энергетика министрлігі жариялаған бағамен қосымша отынның жеткізілімі және сұйытылған газды шектеусіз жеткізуді қалпына келтіру күтілуде және литр – 85-90 теңге тұратын болады.
Бұдан бұрын, 2 қаңтарда Жаңаөзен тұрғындары сұйытылған газ бағасын түсіруді талап етіп көшеге шыққан еді. Кейіннен Ақтау көшелерінде де шерулер тіркелді. Шерушілер жолдарды жауып тастаған болатын.
Қазақстан президенті Қасым-Жомарт Тоқаев жағдайға үн қосып, үкіметке Жаңаөзендегі жағдайды экономикалық негізін құқықтық тұрғыдан ескере отырып, жедел түрде қарауды тапсырды. Үкімет газдың құнын 85-90 теңгеге дейін төмендетеміз деді.
3 қаңтар күні кешке Маңғыстау облысының әкімі Нұрлан Ноғаев сұйытылған газ бағасын төмендетуді талап етіп, Ақтау қаласының көлік иелерімен кездесу өткізді. Ол жиналғандарға мемлекет басшысы Қасым-Жомарт Тоқаевтың тапсырмасы бойынша үкімет қабылдаған шараларды тізіп, айтып берді.
Сіз жаңалықтар туралы не ойлайсыз