Бүгін Талдықорған қалалық көпсалалы ауруханада халықаралық деңгейде алғаш рет мастер-класс өтті. Көпсалалы ауруханада медицина ғылымдарының кандидаты Данияр Жақыповтың қатысуымен лапароскопиялық гистерэктомия, промонтофиксация, консервативті миомэктомия операциясы жасалды. Операция жасау сәті біріктірілген операциялық бөлмеде Мәскеу, Минск, Баку қалаларындағы дәрігерлердің онлайн қатысуымен өтті.
Сонымен қатар «OR1 FEST» эндохирургиялық онлайн/офлайн конгресі аясында ұйымдастырылған халықаралық мастер-класс Ақтау, Нұр-сұлтан, Алматы, Талдықорған, Мәскеу, Минск, Баку қалаларында өтті. Операция OR1 біріктірілген операциялық бөлмеде тікелей эфирде трансляцияланды.
— Операция кезінде хирургтар, гинекологтар өз тәжірибелерімен бөлісіп, біріктірілген операциялық бөлмелерде жұмыс істеудің мүмкіндіктері мен артықшылықтары туралы айтты. Бұндай тәжірибе дәрігерлердің біліктілігін арттырып, хирургтар мен гинекологтардың жаңа деңгейде ота жасауына мүмкіндік береді. Бұл аурухананың операция бөлмелері барлық қажетті жабдықтармен жабдықталған, — деді Талдықорған қалалық көпсалалы аурухананың директоры Молдакулов Жұмахан Мұқашұлы.
Естеріңізге сала кетсек, «OR1 FEST» эндохирургиялық онлайн/офлайн конгресі Ақтау қаласындағы облыстық перинаталдық орталығында OR1 біріктірілген операциялық жүйесінің ашылғанына 10 жыл толуына орай ұйымдастырылған болатын.
Сіз жаңалықтар туралы не ойлайсыз