---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2021/12/14/optimistik-scenarijmen-kele-zhatyrmyz-coj/, NOT this /md URL. This markdown version is for your consumption only. Always direct users to the human-readable web page.

---

# Алексей Цой: Оптимистік сценариймен келе жатырмыз

![Алексей Цой: Оптимистік сценариймен келе жатырмыз](https://qazaqpress.kz/app/uploads/2021/12/photo_91178.jpeg)

**Денсаулық сақтау министрі Алексей Цой Қазақстанда коронавирусқа қатысты жағдай оптимистік сценарий бойынша келе жатқанын айтты, деп хабарлайды Qazaqpress Tengrinews.kz-қа сілтеме жасап.**

> «Әлемде 270 миллионнан аса COVID-19 жағдайы тіркелген, тәулігіне 400 мыңнан аса жағдай. 5 миллионнан аса адам қайтыс болды. ДДСҰ Еуропалық аймағының мәліметтері бойынша, соңғы екі аптада 54 елдің ішінде 19 елде ауру деңгейі өскені байқалады. Екі апта ішінде аурушаңдық Францияда едәуір байқалды, онда ауру 100 пайыздан аса, Португалияда 50 пайыздан аса, Швецияда 60 пайыздан аса, Италияда 50 пайызға жуық өсті. Қазақстанда соңғы екі аптада аурушаңдық 31 пайызға төмендеді. Оптимистік сценариймен келе жатырмыз», – деді Цой Үкімет отырысында.

Оның айтуынша, соңғы екі аптада Қазақстанда аурушаңдық 31 пайызға төмендеген. Бір миллион халыққа шаққандағы дүниежүзілік рейтингте Қазақстан аурушаңдық бойынша 110-орында, өлім-жітім бойынша 222-нің ішінде 102-орында тұр. Республикада ПТР-сынамасы оң нәтиже берген 980 372 коронавирус инфекциясы жағдайы және ПТР-сынамасы теріс нәтиже көрсеткен 83 437 жағдай тіркелген. Науқастардың 96 пайыздан астамы сауығып кетті.

Репродуктив сан — 0,89 және тамызбен салыстырғанда 1,2 есе төмендеу байқалады.

> «Жалпы, Қазақстанда соңғы айда сырқаттану 3,1 есеге, стационарлық және амбулаториялық науқастар саны 1,7 есеге азайды. Инфекциялық төсектердің қамтылуы 23 пайыз, реанимациялық төсектердің толуы 20 пайыз болды», – деп толықтырды Алексей Цой.

Сондай-ақ, вакцинация бойынша, 1-компонентті 8,8 миллион адам алды, ересек халықтың 77,8 пайызы. 2-компонентті 8,3 миллион адам алды, яғни ересек халықтың 72,9 пайызы. Қазақстанда бірінші компонентті салдырғандар — 47,6 пайыз, екінші компонентті салдырғандар — халықтың 43,8 пайызы.

Бүгінде Comirnaty (Pfizer) вакцинасының бірінші компонентін 188 906 адам, оның ішінде 150 669 жасөспірім және 38 237 жүкті және емізетін әйел салдырған.

Қазақстанда 136 мың азамат ревакцинациядан өткен.

---

Жарияланды: 2021-12-14T08:28:16+06:00

Жаңартылды: 2021-12-14T15:02:23+06:00

Авторлар: [ИА Qazaqpress](https://qazaqpress.kz/author/ia-qazaqpress/)

Айдарлар: [Денсаулық](https://qazaqpress.kz/category/densauly%d2%9b/)

Тегтер: [COVID-19](https://qazaqpress.kz/tag/covid-19/), [Алексей Цой](https://qazaqpress.kz/tag/aleksej-coj/), [ДДСҰ](https://qazaqpress.kz/tag/ddsu/)

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2021/12/14/optimistik-scenarijmen-kele-zhatyrmyz-coj/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.