Қорғаныс министрлігі 1 желтоқсанда Алматы әскери институтының 210 курсанты оқудан кеткенін мәлімдеді, деп хабарлайды Qazaqpress Tengrinews.kz-ке сілтеме жасап.
«2021 жылдың 1 желтоқсанында сағат 18.00-ден кейін құрлық әскерлері әскери институтының төртінші курстың 210 курсанты оқу орнынан рұқсатсыз кетіп қалған.
Институт бастығы, генерал-майор Дулат Адырбековтің айтуынша, курсанттардың өз бетінше кетіп қалуының себебі – кадр тағайындалуында келіспеушілік, факультет (курс) бастығының ауысуы және бұрынғы басшылықты қайтаруын сұрауы», делінген хабарламада.
2 желтоқсан күні таңғы 09:00 бастап курсанттар сабаққа қатысқаны хабарланды. Ал болған мән-жай ата-аналарына түсіндірілді.
Дерек бойынша Қорғаныс министрінің орынбасары Сұлтан Камалетдиновтің басшылығымен Қорғаныс министрлігінің комиссиясы тергеу жүргізіп жатыр.
Сіз жаңалықтар туралы не ойлайсыз