Қазақстандық танымал әнші Алтынай Жорабаева өткен өмірі жайлы сөз қозғады, деп хабарлайды Qazaqpress Nur.kz-ке сілтеме жасап.
Көпбалалы ана көпшілікке өткенді ойламай, бүгінгі күнмен өмір сүруге кеңес берді.
Алтынай Жорабаева Instagram парақшасында өткенге өкінбеу керек екенін айтып, әсерлі жазба жариялады. Өнер иесі өмірінде орын алған қиындықтары туралы сыр шертіп, оларды қалай еңсергенін айтып берді.
«Адамдардың 85%-ы қайтыс болар алдында «Армандаған өмірімді сүре алмадым» деп өкінеді екен.
«Неге біреудің ойымен өмір сүрдім?!» Яғни, анау не ойлайды? Мынау не айтады? Кімде кімнің не шаруасы бар?! Ал сенде «шаруасы бар» адамның миында тарақаны көп. Өмірінде проблемалар көп. Өзінің өміріндегі проблеманы басқа біреуден іздеп, тауып, соны талқылайды. «Көрдіңіздер ме? Мен ғана емеспін» дегендей. Себебі, оның ниеті сондай», деп жазды ол.
Эстрада жұлдызы өзінің өмірлік тәжірибесімен бөлісті.
«Адамдардың 70%-ы бала-шағама дұрыс көңіл бөле алмадым деп өкінеді екен. Өткен өміріңіздегі барлық жағдайға «Аллаға шүкір, қайыры, Алла бізден жақсы біледі» деңіз де, «Аллаға мың алғыс» деп, бүгінгі күнмен өмір сүріңіз. Бәрібір өткенді қайтара алмайсыз. Әрекет сізден, берекет Алладан. Өмір тамаша», – деп қорытындылады әнші.
Сіз жаңалықтар туралы не ойлайсыз