Батыс Қазақстан облысы бойынша Сыбайлас жемқорлыққа қарсы қызмет «Орал қаласы бойынша құрылыс бөлімі» ММ басшысына қатысты тергеу бастады, деп хабарлайды Qazaqpress Tengrinews.kz-ке сілтеме жасап.
«Орал қаласы бойынша құрылыс бөлімі» ММ басшысы 2020 жылы қазаннан бастап 2021 жылдың 11 қазанына дейін «Н»-ның сыбайластығы арқылы ЖШС директоры «Ш»-дан пандемия кезеңінде арнайы тәртіп қолданып, мемлекеттік сатып алу шартын жасасуға жәрдем көрсеткен және Орал қаласында «Нұрлы жер» мемлекеттік бағдарламасы бойынша жалпы сомасы 2,2 миллиард теңгенің екі 9 қабатты тұрғын үй құрылысы бойынша орындалған жұмыстардың актілеріне кедергісіз қол қойғаны үшін бұрын келісілген аса ірі мөлшерде 170,0 миллион теңгеден 134,0 миллион пара алған.
«Орал қаласы бойынша құрылыс бөлімі» ММ басшысы және азамат «Н» ҚР ҚПК 128-бабы бойынша ұсталып, Орал қаласы уақытша ұстау изоляторына қамауға алынды, – делінген хабарламада.
Сіз жаңалықтар туралы не ойлайсыз