Президент Қасым-Жомарт Тоқаев қазақстандық актер және кинорежиссер Досхан Жолжақсыновты марапаттау туралы Жарлыққа қол қойды, деп хабарлайды Qazaqpress Akorda.kz-ке сілтеме жасап.
«Ұлттық мәдениетті, кинематографияны және театр өнерін дамытуға қосқан айрықша еңбегі үшін Досхан Қалиұлы Жолжақсыновты «Отан» орденімен наградтау туралы қаулы етемін», — делінген Жарлықта.
Айта кетсек, Досхан Жолжақсынов бүгін 70 жасқа толды.
Актер театр сахнасында және кинода 200-ден астам рөлді сомдаған. Сонымен қатар халық әндері мен қазіргі қазақ композиторлары әндерін шебер орындаушы ретінде кеңінен танымал.
Жолжақсынов ұлттық кино өнерінің дамуына өз үлесін қосып, «Гауһартас», «Даладағы қуғын», «Алтын күз», «Омпа», «Ақ барыстың ұрпақтары», «Көшпенділер», «Біржан сал» және басқа фильмдерге түскен.
Сіз жаңалықтар туралы не ойлайсыз