Отандық танымал әнші Саят Медеуов Instagram әлеуметтік желісінде COVID-19 жұқтырып алғанын жазды, деп хабарлайды Qazaqpress Nur.kz-ке сілтеме жасап.
Эстрада жұлдызы өзінің Instagram парақшасында дертке шалдығып, үйінде ем алып, уақытын өткізіп алғанын айтты. Сырқаттанып қалған әнші көпшілікті сақтануға шақырып, өзін емдеген дәрігерлерге алғысын білдірді.
— Ассалаумағалейкүм құрметті ағайын! Баршаңызға тілерім ауырмаңыздаршы! Жылы жүріңіздер, имуниттеттеріңізді түсірмеңіздер. Қалай ауырғанымызды білмей қалу қаупі қатты. Тез өршиді екен. Қазіргі таңда емдеуге болады, тек үйден ем аламын деп, уақытты өткізіп алдым. Осы дерттен айығуыма үлкен себепкер болған Қалқамандағы N 1 қалалық клиникалық емхананың ақ халатты абзал жандарына алғысым шексіз.
Ертерек емханаға жүгініп анализ арқылы ем жасаған дұрыс деп ұқтым. Жанашырлық сезімдеріңізді ояту үшін емес, басымнан өткенді жазып, емделіп шыққанымды айтып сіздерге де пайдасы болса екен дегім келді. Ойым қате болса кешіріммен қараңыздар, Еліміздің басына түскен осы нәубет мәңгіге жоқ болуына тілектеспін! Ауырмаңыздаршы – деп жазды ол.
Желі қолданушылары әншіге тезірек сауығып кетуін тілеп, өз қолдауын білдірді.
Сіз жаңалықтар туралы не ойлайсыз