Алатау ауданының Ақбұлақ ықшам ауданында болған атыста қаза тапқан учаскелік инспекторлар туралы толығырақ мәліметтер белгілі болды, деп хабарлайды Qazaqpress ҚазАқпаратқа сілтеме жасап.
«Алатау аудандық ПБ ЖПҚБ учаскелік инспекторы, полиция майоры Дархан Дауылбайұлы Сүлеев 1982 жылы туған. Біздің департаментте 2003 жылдан бері қызмет етті. Жақында ғана Академияны бітіріп келген. Оның артында бес баласы қалды.
Ал Алатау аудандық ПБ ЖПҚБ учаскелік инспекторы, полиция капитаны Байғазиев Нұрбол Назарбайұлы 1988 жылы туған. Ол бізде 2014 жылдан бастап қызмет етті. Оның артында екі баласы қалды. Қаза тапқан екі қызметкеріміз де қызмет бабымен бірнеше рет марапатталған. Өз қызметтерінде ешқандай тәртіп бұзушылық жасамаған»,- деді брифинг барысында Алматы қалалық Полиция департаментінің бастығы Қанат Таймерденов.
Еске салсақ, 20 қыркүйекте кешке 54 жастағы ер адам үйден шығару туралы сот шешімін орындауға келген сот орындаушыларына, полиция қызметкерлеріне және ТЖД қызметкерлеріне аңшы мылтығынан оқ жаудырған. Нәтижесінде екі полиция қызметкері, бір сот орындаушысы және екі бейбіт тұрғын, соның ішінде үйдің жаңа қожайыны қаза тапты.
Сіз жаңалықтар туралы не ойлайсыз