ҚР Қылмыстық атқару жүйесi комитетiнің баспасөз қызметі Қазақстанның бұрынғы Премьер-министрі Серік Ахметовтің пробация есебінен шығарылғанын растады, деп хабарлайды Qazaqpress ҚазАқпаратқа сілтеме жасап.
«2021 жылғы 1 қыркүйекте С. Н.Ахметов сотталу мерзімін өтеуіне байланысты жазаның негізгі түрі бойынша пробация есебінен шығарылды.
Қазіргі уақытта белгілі бір лауазымдарды атқаруға тыйым салу түріндегі қосымша жаза бойынша Қазыбек би ауданының пробация қызметінде есепте тұр», – деді комитеттің баспасөз қызметі.
Еске салсақ, 2015 жылы желтоқсан айында Қарағанды облысының қылмыстық істер жөніндегі мамандандырылған ауданаралық соты бұрынғы Премьер-министр С. Ахметов пен басқа да лауазымды тұлғаларға қатысты іс бойынша үкімі шығарды. Аталмыш іс бойынша 7 түрлі эпизодқа сәйкес барлығы 21 адам айыпталған болатын.
Сіз жаңалықтар туралы не ойлайсыз