Жамбыл облысы әкімі Бердібек Сапарбаев қазіргі уақытта Байзақ ауданындағы жағдай толықтай бақылауға алынғанын мәлімдеді, деп хабарлайды Qazaqpress.
– Қазіргі таңда Байзақ ауданындағы жағдай толықтай бақылауға алынды. Өңірдің төтенше жағдайлар, құқық қорғау және медицина саласының өкілдері барынша жұмылдырылды. Апат болған аумақтан эвакуацияланған тұрғындарға арналып, облыс орталығынан 400-ден астам жатын орын дайындалған. Қосымша 1000-ға жуық орын дайындау мүмкіндігі қарастырылған, – деп жазды Сапарбаев Facebook желісінде.
Жарылыс зардаптарын жою және эвакуацияланған тұрғындарды керек-жарақпен, ыстық тамақпен қамтамасыз ету бойынша жұмыстар жүргізіліп жатқаны айтылады.
– Менің басшылығыммен құрылған жедел штаб барлық қажетті шараларды атқарып жатыр. Зардап шеккендер Тараз қалалық және аудандық ауруханаларға жеткізіліп, медициналық көмектер көрсетіліп жатыр. ҚР Қорғаныс және Төтенше жағдайлар министрлерімен бірлесіп, тиісті шешімдер қабылдануда. Баршаңызды тек қана ресми мәліметтерге сенуге, жалған ақпараттарды таратпауға шақырамын, – деді әкім.
Сіз жаңалықтар туралы не ойлайсыз