Алматы қалалық онкология орталығына 1977 жылы туған, 4-сатылы жоғарғы жақсүйек қойнауының асқынған қатерлі ісігімен әйел келіп түсті, деп хабарлайды Qazaqpress.
Пациенттің айтуы бойынша, қатерлі ісік 2019 жылғы наурыздан пайда болды, алайда, дәрігерге жүгінбеген. Орталықтың онкологтарымен тексірілген кезде келесідей диагноз қойылған: оң жақтан торлы лабиринттің клеткага таралуымен оң жақ самай сүйегінің, оң жақ көз шарасының латеральды және астыңғы қабыршағының бұзылуымен және таралуымен оң жақта гаймор қойнауының пайда болуы. Операция кезінде дәрігерлер бет сүйегін жарып, бас миына кеткен, үлкен ісікті алып тастады. Хирург, бірсәтте операциядан кейінгі ақауларды жөндеді, себебі, ісікті жойғаннан соң бетінің ақаулары орын алып көзінің алмасы төмен түсіп кетеді.
«Титанды пластинамен біз бет сүйегінің операциядан соңғы ақауларын қалпына келтірдік. операция сәтті өтті. Бүгінгі күні пациент өзін жақсы сезінеді және өз бетімен тамақтана алады»- деді хирург-онколог Саттар Аппазов.
Операция 5 сағатқа созылды. Жалпы, 7 ай аралығында Алматы қалалық онкология Орталығында 10300 пациент емделіп шыққан. Сондай-ақ, онкологтар скринингтен өтуі қатерлі ісікті ерте сатыда анықтаудың тиімді әдісі болып саналатынын ескерді. Аурушаңдықтың белгілері өте кеш сатыда белгіленсе және ісіктердің таралуы мүмкіндігі анықталса- ауруды емдеу қиын.
Сіз жаңалықтар туралы не ойлайсыз