Мемлекет басшысы Қасым-Жомарт Тоқаев Жамбыл облысының әкімі Бердібек Сапарбаевқа сөгіс жариялады, деп хабарлайды Qazaqpress Tengrinews.kz-ке сілтеме жасап.
Бұл туралы Facebook желісінде Президенттің баспасөз хатшысы Берік Уәли жазды.
— Мемлекет басшысы Қасым-Жомарт Тоқаев Жамбыл облысының әкімі Бердібек Сапарбаевқа 2019 жылы жұмысында едәуір олқылықтарға жол беріп, қызметінен босатылған Қ.Досаевты әкімдіктің басқарма басшысы етіп тағайындағаны үшін сөгіс жариялады. Әкімге бір тәулік ішінде кадрлық қателігін түзетуге тапсырма берілді – делінген хабарламада.
Бұдан ертерек Тараз қаласының бұрынғы әкімі Қайрат Досаев Табиғи ресурстар және табиғатты пайдалануды реттеу басқармасының басшысы болып тағайындалғаны хабарланған болатын.
Айта кетелік, ол 2019 жылдың қараша айында қала мектептерінің бірінде кәмелетке толмаған қыздың зорланған оқиғасына байланысты Тараз қаласының әкімі қызметінен босатылған еді, сондықтан мемлекет басшысы оны қызметінен босатуды тапсырды.
Сіз жаңалықтар туралы не ойлайсыз