Білім және ғылым министрлігі жаңа оқу жылында қашықтықтан оқыту форматы туралы ақпаратты жоққа шығарды, деп хабарлайды Qazaqpress Tengrinews.kz-ке сілтеме жасап.
Министрліктің баспасөз қызметінің хабарлауынша, қазақстандықтар әлеуметтік желілер мен мессенджерлерде келер оқу жылының бірінші тоқсаны онлайн форматта өтеді деген ақпарат таратуда.
Бұл туралы брифингте Білім және ғылым министрі Асхат Аймағамбетов айтқан көрінеді екен.
– Бұл ақпарат шындыққа жанаспайды. Білім және ғылым министрі Асхат Аймағамбетов брифингте мұндай мәлімдеме жасаған жоқ. Оқыту форматы туралы шешімді Коронавирустық инфекцияның таралуын болдырмау жөніндегі ведомствоаралық комиссиясы, мемлекеттің бас санитарлық дәрігері мен облыстардың бас санитар дәрігерлері қабылдайды – деді Білім және ғылым министрлігі.
Еске салсақ, ҚР Білім және ғылым министрлігі жаңа оқу жылына дайындық үшін ұсыныстар әзірлеген болатын.
Сіз жаңалықтар туралы не ойлайсыз