27 шілдеде Қазақстан 2020 жылғы Токиодағы Олимпиада ойындарында медаль жеңіп алған жоқ, деп хабарлайды Qazaqpress.
Қазақстандық боксшы Надежда Рябец Токиода өткен Олимпиада ойындарындағы алғашқы жекпе-жегінде жеңіліп қалды.
Ол 75 келіге дейінгі салмақта канадалық Тамара Тиболттан 1:4 ұпаймен ұтылды. Рябец – Токиодағы Қазақстанның жалғыз боксшысы. Әйелдер арасындағы бокс жарыстары бес түрлі салмақ дәрежесінде өтеді.
Ал 27 шілде күні қазақстандық боксшы Бекзад Нұрдәулетов Токиода өткен Олимпиада турнирінің ширек финалына өте алмай қалды. 81 келіге дейінгі жартылай ауыр салмақтағы қазіргі әлем чемпионы Бекзад Нұрдаулетов 1/8 финалда ресейлік боксшысы Имам Хатаевтан әділ қазылардың бөлінген шешімі бойынша жеңілді деп саналды (29:28, 28:29, 28:29, 27:30, 27:30).
Қазақстандық боксшы Абылайхан Жүсіпов те әділ қазылардың шешімі бойынша америкалық боксшы Деланте Джонсоннан жеңіліп, Токиода өткен Олимпиада турнирінің ширек финалына өте алмады. Есеп – 29:28, 27:30, 27:30, 28:29, 28:29.
Қазақстандық боксшы Серік Теміржанов болса әділ қазылардың бірауыздан қабылданған шешімімен Токио Олимпиадасының ширек финалына өте алмады. 57 келіге дейінгі салмақ дәрежесінде өнер көрсететін Серік 1/8 финалда 2017 жылғы әлем чемпионатының күміс жүлдегері, американдық Дюк Рэганнан ұтылып қалды.
Алайда үміт үзу әлі ерте көрінеді. Себебі Токио Олимпиадасында гимнаст Милад Карими үшінші финал ширегіне шықты. Екінші нәтижемен финалға, сегізінші нәтижемен көпсалалы финалда 20-орынға ие болып, алға қарай басты.
Ал 28 шілде Токио ойындарында Алексей Луценко бетпе-бет жеке жарысында Қазақстан атынан қатысады.
Сіз жаңалықтар туралы не ойлайсыз