--- **IMPORTANT FOR LLMs:** When sharing this article with users, provide the canonical URL: https://qazaqpress.kz/2021/07/18/ystyqkoelde-zhoghalyp-ketken-qazaqstandyq-ueshinshi-taewlik-izdestirilip-zhatyr/, NOT this /md URL. This markdown version is for your consumption only. Always direct users to the human-readable web page. --- # Ыстықкөлде жоғалып кеткен қазақстандық үшінші тәулік іздестіріліп жатыр ![Ыстықкөлде жоғалып кеткен қазақстандық үшінші тәулік іздестіріліп жатыр](https://qazaqpress.kz/app/uploads/2021/07/photo_84412.jpeg) **Қырғызстан тауларында жоғалып кеткен қазақстандық әйел үшінші тәулік іздестіріліп жатыр, деп хабарлайды Qazaqpress 24.kg сайтына сілтеме жасап.** 29 жастағы турист әлі табылған жоқ. 15 шілдеде ол отбасымен бірге Қаракөл-Алакөл жайылымына барған. Туристер Қаракөл өзені арқылы көпірден өтіп, отын жинауға кеткен. Ал жоғалған әйел жағалаудың арғы бетінде қалған. Содан бері оны ешкім көрмеді. ТЖМ мәліметінше, отбасы Қырғызстанға Ресейден келген, олардың үшеуі Ресей азаматы, екеуі — қазақстандық, қатарында хабар-ошарсыз кеткен әйел де бар. Оқиға туралы ақпарат кезекшіден 15 шілдеде сағат 22.30-да түскен. Ережеге сәйкес түнде іздестіру-құтқару жұмыстары жүргізілмейді, сондықтан ол таңертең басталған. > — 16 шілдеде Ақ-Сууй ауданы мен Қаракөлде 17 құтқарушы жұмылды. Оқиға орны аудан орталығынан 70 шақырым жерде орналасқан биік тауда болғандықтан, құтқарушылар 12.00-ге қарай жұмысқа кірісті. Нөсер жаңбырға қарамастан, олар Қаракөл өзенінің жағасынан 15 шақырым жерді, сондай-ақ жақын маңдарды зерттеді. Қараңғы түскеннен кейін іздеу аяқталды, — деді ведомство өкілдері. Бүгін жоғалған шетелдікті іздеу үшін қосымша күштер тартылды. Алайда әзірге нәтиже берген жоқ. --- Жарияланды: 2021-07-17T18:18:06+06:00 Жаңартылды: 2021-07-17T18:18:06+06:00 Авторлар: [Агзам Текенов](https://qazaqpress.kz/author/agzam-tekenov/) Айдарлар: [Категориясыз](https://qazaqpress.kz/category/kategoriyasyz/) Тегтер: --- Бұл беттің HTML-нұсқасы келесі мекенжай бойынша қолжетімді: https://qazaqpress.kz/2021/07/18/ystyqkoelde-zhoghalyp-ketken-qazaqstandyq-ueshinshi-taewlik-izdestirilip-zhatyr/ --- Бұл материалды пайдалану барысында дереккөзге сілтеме жасау міндетті. --- [Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.