Алматы қаласында тағы бір қаржы пирамидасы анықталды, деп хабарлайды Qazaqpress inbusiness.kz-ке сілтеме жасап.
Қаржылық мониторинг агенттігінің (ҚМА) мәліметінше, Алматы қаласы бойынша агенттік департаменті қалалық прокуратураның үйлестіруімен World Business Consulting қаржы пирамидасын құру және оған басшылық ету дерегі бойынша бірқатар тұлғаға қатысты сотқа дейінгі тергеуді бастаған.
«Қаржы пирамидасын ұйымдастырушылар тұрғындарға World trend Strategies, Confidence World Group, HUBB international, Riviera imperial, Asteco және басқа үлестес компаниялардың инвестициялық жобаларына қаражат беруді ұсынған. Аталған компаниялар қаржыны заң аясында жүргізілген қызметтен емес, жаңа салымшылардың қаражаты есебінен сыйақы алуға кепілдік берген. Қаржы нарығын реттеу және дамыту агенттігі World Business Consulting қызметінен қаржы пирамидасының белгілерін анықтаған», – деп жазылған хабарламада.
Бүгінде бұл факт бойынша тергеу жүргізіліп жатыр.
Сіз жаңалықтар туралы не ойлайсыз