8 шілдеде Алматыда онкологиялық ауруға шалдыққан балаларды қолдаудың «Здоровая Азия» қоғамдық қоры «Ergopack» және «Көктем» компанияларымен бірлесіп «Мейірімді өнім» қайырымдылық жобасын бастады, деп хабарлайды Qazaqpress.
Бұдан былай супермаркеттерден өнім сатып алуда «Мен сенімен біргемін» балалар хосписінің қатерлі ісікке шалдыққан балаларға көмектесуге болады.
Жобаны ұйымдастырушылардың бірі Мария Ледяева коронавирус індеті әлемнің әр елі үшін қиын сынаққа айналғанын мәлімдеді.
«Пандемия – қайырымды жандар тарапынан жасалатын ізгі бастамалардың артуына серпіліс берді. Біз онкологиялық ауруға шалдыққан балалар хосписіне көмек қажет екенін білдік, өйткені карантин олардың қаржылық жағдайын қиындатты. Оның үстіне, хосписте тұрақты тұратын және Хоспистің оңалту бөліміне тіркелген, сондай-ақ жылжымалы қызметтің тұрақты медициналық бақылауындағы балаларға медициналық қолдау қажет. Хосписте қаржылық көмексіз шешілмейтін ай сайынғы қажеттіліктер бар. Сондықтан осы акцияны ұйымдастырып, оларға қолдау көрсетуді ұйғардық. Акцияға «Мелочи жизни» мен «STR8» сауда маркалары да қатысады», – деді М. Ледяева.
Осы сауда маркаларының тауарларын сатып алып, мегаполистің әрбір тұрғыны түсімнен түскен қаражаттың бір бөлігі ауру балаларға көмектесуге жұмсалатынына сенімді бола алады. Бұл ретте өнімді үнемдеуге және акциялық тауарды 45% дейін жеңілдікпен сатып алуға болады.
Алматыда 8 шілдеден бастап науқанға «A-Store» («ADK» СОCО), «Cosmart» (дүкендер желісі) және «Carefood» супермаркеті мен дүкендері қосылды. 15 шілдеден бастап сөрелерде «Добрый продукт» акциясы «Сабыржан» (Тоймарт), «Магнум» мен «Small» желілерінде 21 шілдеден басталады.
Марияның айтуынша, ол кеше ғана @detskyhospis балалар хосписінде болған (инстаграмдағы парақша). Қазіргі уақытта стационарда 40 күннен 13 жасқа дейінгі 6 бала ауыр халде жатыр. Ем алып жатқан жағдайы ауыр науқас пен ремиссия жағдайындағы балалар да бар. Олар хоспистің емделу бөлімінде.
«Менің ойымша, қазір балалар хосписінің оңалту бөлімінде 12 бала бар. Кейбір балалар үйде тәулік бойы жұмыс істейтін медициналық топтың бақылауында. Олар да қаржылық қолдауды қажет етеді. Сондай-ақ көшпелі қызметтің тұрақты қамқорлығында 320 бала бар. Балалар хосписінің миссиясы балаларға қайғы-қасіретсіз жарқын өмір сыйлау. Мұнда балаларға өмірдің қалған күндерін қуанышпен өткізу үшін барлық күш-жігер мен қамқорлық көрсетіледі. Алматының тұрғындары мен оның қонақтары науқас жандарға көмек беретініне сенемін. Сондай-ақ басқа компаниялар да бізге қолдау көрсетеді деп үміттенеміз. Жақсылық жасау оңай», – дейді М. Ледяева.
Айта кетерлігі, ұйымдастырушылар ірі сауда желілерін қайырымдылық акциясына қолдау білдіріп, атсалысуға шақырады. Акция Нұр-Сұлтан, Тараз, Шымкент, Қарағанды, Петропавл, Өскемендегі сауда желілерін қамтиды.
Акция туралы және қайырымдылық шараны қолдаған дүкендер желісі туралы толық ақпарат @melochi.zhizni.kz және @str8_kazakhstan әлеуметтік желілердегі ресми парақшаларда жарияланған.
Сіз жаңалықтар туралы не ойлайсыз