Коронавирусқа қарсы екпе салдыру керек пе?

Коронавируспен ауырып шыққан адамға екпе салдыруға бола ма, деген сауалға Қазақстан профилактикалық медицина академиясының президенті Алмаз Шарман жауап берд, деп хабарлайды Qazaqpress Tengrinews.kz-ке сілтеме жасап.

Алмаз Шарманның пікірінше, адам ағзасындағы антиденелердің мөлшері ешқашан да артық болмайды.

«Қазір әлемде вакцинаның шамамен 3 миллиард дозасы салынған. Олардың арасында коронавирус жұқтырып, жазылғандар аз емес. Ауырып шыққандарға вакцина салынса, иммунитет 50 есеге дейін күшейеді, яғни, қорғаныс күші артады. Бір сөзбен айтқанда, нағыз қорғалғандар – ауырып жазылған соң, вакцина салдырғандар», – деді медицина академиясының президенті.

Сонымен қатар, Алмаз Шарман соңғы зерттеулерге сәйкес, «дельта» штамы антиденелерге қарамастан жұғатынын айтты.

«Сондықтан, ауырып, жазылып, антиденелер ағзада болса да, вакцина салдыруға кеңес беремін» – деп қорытындылады сөзін маман.