ADVERTISEMENT
Алматыда тағы бір адамнан коронавирустың үнді штамы анықталды, деп хабарлайды Qazaqpress Tengrinews.kz-ке сілтеме жасап.
Бұл туралы қалалық денсаулық сақтау басқармасының орынбасары Лаура Мырзағали онлайн-брифингте айтты.
«Қазір бізде екі адам бар («Үнді штамын» жұқтырған. – автор). Меніңше, бұл 1983 жылғы әйел мен 2013 жылғы бала. Олар жұқпалы аурулар ауруханасында.
Басқа ауырғандар туралы ақпарат жоқ. Әзірге осы екеуі ауырып жатыр», – деді ол.
Бұған дейін үнді штамы үй шаруасындағы әйелден анықталғаны хабарланған.
Алматының бас мемлекеттік санитария дәрігері Жандарбек Бекшиннің айтуынша, әйел 21 маусымда тест тапсырған. Қазір науқас жұқпалы аурулар палатасында, ал жеті жасар қызы бөлек палатада. Байланыста болған жеті адам оқшауланды.
Сіз жаңалықтар туралы не ойлайсыз