Алматыда полицей жаяу жүргіншіні қағып өлтірді, деп хабарлайды Qazaqpress Полиция департаментіне сілтеме жасап.
«Полиция қызметкері Hyundai Elantra қызметтік көлігімен Өтемісұлы көшесінің бойымен оңтүстік бағытта келе жатқан. Күтпеген жерден екінші автокөлікпен соқтығысудан қашқан полицей маневр жасап, көлік жуатын орынның шығыс жағына шығып кеткен. Онда ол жаяу жүргіншіні, сондай-ақ тұрақта тұрған «Газель» көлігін қағып кеткен. ЖКО салдарынан жаяу жүргінші қаза болды», – деді Алматы ПД өкілі.
Айта кетсек, дерек Қылмыстық кодекстің 345-бабы бойынша тіркелді. Іс Алматы ПД анықтау басқармасының өндірісінде. Жүргізушімен тергеу шаралары жүргізіліп жатыр.
Сіз жаңалықтар туралы не ойлайсыз