Жуырда Instagram әлеуметтік желісінде @ka3ax.001 желі тіркелушісінің тұрпайы бейне-сторисі жарияланды, деп хабарлайды Qazaqpress.
Ресейлік ақпарат порталдарының хабарламасы бойынша бейне-стористегі басты кейіпкер ҚР Мемлекет қызмет істері және сыбайлас жемқорлыққа қарсы іс-қимыл агенттігінің Басқарма басшысы Каримов Нурбол Гайнибекович екен. Бейне-роликтің кейіпкері 2016 жылы ҚР-ның бизнесмен, қоғам қайраткері «Тимур Құлыбаевтың баласымын» деп, Алматы обл. Талғар аудандық полициясында шоу жасаған азамат екені анықталды. Ал бейне-роликте сөз етілген «ксива» (мемлекет органының төл-құжаты) жасанды болуы да мүмкін.
Еске сала кетейік, 2016 жылы 19 жасар Алматы тұрғыны Нұрбол Каримов аудандық полиция қызметкерлерімен көлігінің мемлекеттік номері жоқтығы үшін тоқтатылған еді. Жайт 15 сәуір күні Алматы-Талғар трассасында орын алды. Полиция қызметкерлері ұсталған жайлы толығырақ ақпарат білу үшін 4 сағаттан артық уақыт кетірді. Анықтау кезінде ұсталған азамат полиция қызметкерлеріне және журналистерге дөрекілік танытқан болатын. Жол қозғалысы ережелерін бұзғаны үшін 4 құқықбұзушылық анықталып, автомобильді мемлекеттік нөмірсіз, құжатсыз, сақтандырусыз және жүргізуші куәлігінсіз жүргізгені үшін хаттама рәсімдеп, кейін жас жігітті полиция бөлімінің ғимаратынан босатты. Алайда біраздан соң полиция қызметкерлеріне дәрігерден қоңырау шалынып, құқықбұзушы өз-өзіне қол жұмсағанын айтты. Құқықбұзушы қалдырған соңғы хатында өз өліміне полиция қызметкерлері кінәлі екенін жазып кетті деді дәрігер. Бірақ кейін бұл өте тұрпайы әзіл болғаны анықталды.
Сіз жаңалықтар туралы не ойлайсыз