Қазақстандағы БҰҰБҚ кеңсесінің басшысы Артур ван Дизен жаңа оқу жылында Қазақстанға барлық мектептерді ашуды ұсынды, деп хабарлайды Qazaqpress Tengrinews.kz-ке сілтеме жасап.
«БҰҰБҚ жаңа оқу жылында барлық мектептерді санитарлық-эпидемиологиялық стандарттарға сәйкес ашуды ұсынады. Мектептер соңғы жабылып, бірінші болып ашылуы керек», – деді Артур ван Дизен.
Оның айтуынша, әлемде және Қазақстанда пандемия кезінде мектептердің жабылуына байланысты әрбір үшінші мектеп оқушысы немесе 463 миллион бала қашықтықтан білім алуға қол жеткізе алмады.
«Білім министрлігі осы мәселелерді оңтайландыру үшін шұғыл шаралар қабылдау қажет екенін мойындайды. Қазақстан БҰҰБҚ оқу жылының шығынын анықтау үшін мониторинг жүргізуге кеңес береді. Оның нәтижелері бойынша жеке көзқарас негізінде оқушылардың білімін қалпына келтіруге арналған бағдарламалар құрып, тестілеу ұсынылады БҰҰБҚ осындай бағдарламаларды жасауға көмектесуге дайын», – деді ол.
Discussion about this post