Алматы облысында жолдың бойында тұрған автокөлік жанып кетті, деп хабарлайды Qazaqpress ҚазАқпаратқа сілтеме жасап.
Куәгерлер көліктің жарылған сәтін бейне жазбаға түсіріп алған
Алматы ТЖД баспасөз қызметі хабарлағандай, өрт 25 мамырда сағат 17:20-да Алатау ауданында Райымбек даңғылы бойында, 550/12 үйдің жанында орын алған.
«Жол апаты салдарынан 1992 жылы шыққан «Volkswagen Passat» маркалы автокөлігі жанған. Мамандандырылған өрт сөндіру бөлімі АЦ-5-40-қа сағат 17:30-да келді. 17:35 — те өрт жойылды (арада 5 минут өткенде)»,- деп хабарлады Төтенше жағдай департаменті.
Жеңіл автомобильдегі өрт тез таралып, оны 2-3 минут ішінде толығымен жойып жіберетіні айтылады. Осыған байланысты қалалық төтенше жағдай департаменті мамандандырылған ТЖО автокөліктерінің электр жабдықтарына қызмет көрсетуді, сақтандырғыштардың орнына «жучоктар» қолданбауды және әрқашан жарамды өрт сөндіргіштері алып жүруді ескертеді.
Сіз жаңалықтар туралы не ойлайсыз