Вашингтон Медициналық университетінің зерттеушілері COVID-19-дың жеңіл түрімен айлар бойы ауырып шыққан адамның ағзасында иммундық жасушалардың қалатынын және коронавирусқа қарсы өмір бойғы қорғаныс қалыптасатынын айтты, деп хабарлайды Qazaqpress Tengrinews-қа сілтеме жасап.
COVID-19-дың жеңіл түрімен ауырып шыққан адамдардың ағзасында ұзақ мерзім бойы өмір сүретін иммундық жасушаларды анықтау үшін, зерттеушілер коронавирус жұқтырған адамдардың қанында антиденелерді іздеу жобасын бастады. Зерттеуге 77 ерікті қатысты. Олар вирусты жұқтырғанынан бастап, 1 айдан соң 3 ай бойы қан тапсырып жүрді. Қатысушылардың көбісінде COVID-19-дың жеңіл түрі анықталды және 6-ы ғана ауруханаға жатқызылды. Ғалымдар зерттеу үшін, 7-8 айдан кейін 18 қатысушының ми сүйегін және салыстыру үшін, 11 сау адамның ми сүйегін алды.
«Бұл жасушалар адамның бойында өмір сүріп, ақтық деміне дейін антиденелер жасайды» — деп мәлімдеді зерттеу соавторы Али Эллебеди.
Сонымен қатар қатысушылардың қанындағы антиденелердің мөлшері инфекциядан кейінгі алғашқы айларда тез төмендеп, кейін қайта бірдей деңгейге көтерілді. Ғалымдар ауруды жұқтырғаннан 11 ай өткен соң иммундық жасушалар адамның қанында болатынын анықтады және бұл жасушалар түрін «Плазма жасушалар» деп атады. Жасушалар ми сүйегіне ауысып, үнемі антиденелерді қанға жіберіп, жаңа инфекциялардан қорғайды.
Зерттеушілер симптомсыз коронавируспен ауырған адамдар да ұзақ мерзімді иммунитетке ие болуы мүмкін деп болжады. Зерттеу нәтижелері «Nature» ғылыми журналында жарияланды.
Бұдан ертерек ғалымдар коронавирусқа қарсы антиденелер инфекциядан кейін үш айдың ішінде қалпына келген науқастардың ағзасында жоғалады деп мәлімдеген. Алайда дәрігерлер олардың тұжырымдары тек қалпына келген адамдардың антиденелеріне қатысты екенін айтты.
Сіз жаңалықтар туралы не ойлайсыз