БҚО-да автокөлік жылқыға соғылып, бір отбасының 3 адамы көз жұмды, деп хабарлайды Qazaqpress ҚазАқпаратқа сілтеме жасап.
БҚО полиция департаментінің ресми өкілі Болат Белгібековтың мәлімдесі бойынша оқиға 16 мамыр күні сағат кешкі он жарым шамасында Ақжайық ауданынының аумағында болды.
Оқиға Орал-Атырау жолының маңындағы Алғабас ауылында орын алған. Көлік жүргізушісі 1967 жылғы азамат екені анықталды. «ВАЗ-21113» номерлі көлік екі жылқыға соғылды. Көлік ішінде жүргізушіден бөлек 50, 61, 85 жастағы әйел азаматтары мен 13 жасар боз бала болды.
Көліктегі жүргізуші, қарт әйел мен боз бала оқиға орнында көз жұмды, ал 61 және 50 жасар әйелдер ауыр жарақаттармен Ақжайық аудандық ауруханаға жеткізілді. Бірақ қазір БҚО ТЖ департаментінің баспасөз қызметі жарақат алғандардың жағдайы орташа деді.
Сіз жаңалықтар туралы не ойлайсыз