Мемлекет меншігіндегі жоғары оқу орындарын жекешелендіруге болмайды, деп хабарлайды Qazaqpress.
Бұл туралы ҚР Білім және ғылым министрі Асхат Аймағамбетов айтты.
«Жоғары оқу орындары мемлекеттік кәсіпорындардан акционерлік қоғамдарға өзгергеннен кейін академиялық ортада университеттерді жекешелендіруге байланысты түсініспеушіліктер пайда болды. Әсіресе, бұл мәселені әл-Фараби атындағы ҚазҰУ, Сәтбаев университеті, Абай атындағы ҚазҰПУ, Е.А. Бөкетов атындағы ҚарМУ оқытушылары көтерді.
Енді 100 пайыз мемлекеттің меншігіндегі жоғары оқу орындарын жекешелендіруге мүмкіндік болмайды. Демек бұл университеттер мемлекеттің меншігінде қалады. Бұл заң жобасы енді Сенатта қаралады. Егер сенаторлар қолдаса, Мемлекет басшысының қарауына жіберіледі», – деп жазды министр Facebook парақшасында.
Сіз жаңалықтар туралы не ойлайсыз