Алматы қаласындағы Медеу ауданының судьясы алаяқтық жасады деген күдікке ілінді, деп хабарлайды Qazaqpress ҚазАқпаратқа сілтеме жасап.
«Алматы қалалық сотының ішкі қауіпсіздік бөлімі мен ҰҚК қалалық департаменті аталған судьяға қатысты тексеріс жұмыстарын жүргізді. Оның нәтижесінде департамент ҚР ҚК 190 бабы, 4-бөлімі, екінші тармағы бойынша қылмыстық іс қозғап, тергеу жұмыстарын бастады. Ведомствоның хабарлауынша, бас прокурор күдікке ілінген судьяға қатысты тергеу амалдарын жалғастыруға өз келісімін берген», – деп хабарлады Алматы қалалық сотының баспасөз қызметі.
Айта кетсек, күдіктінің үйінде жүргізілген тәнту жұмыстары кезінде одан үлкен көлемдегі ақша тәркіленді. Қалалық соттың баспасөз қызметі қалған ақпарат тергеу жұмыстарына байланысты жарияланбайтынын ескертті.
Сіз жаңалықтар туралы не ойлайсыз