Ақмола облысында із-түзсіз жоғалған 49 жастағы ер адамға іздеу жарияланды, деп хабарлайды Qazaqpress ҚазАқпаратқа сілтеме жасап.
Облыстық ПД баспасөз қызметінің мәліметінше, ер адамның жоғалғандығы туралы 2021 жылғы сәуірдің 19-да Целиноград аудандық ПБ кезекшілік бөліміне хабарланды. Оны із-түзсіз жоғалған 1971 жылғы ер адамның Нұр-Сұлтан қаласында тұратын 47 жастағы інісі айтты.
Оның сөзінше, Көкен Нұрлан сәуірдің 17-де кешкі сағат 21:30 шамасында Қосшы кентіндегі үйінен шығып, кейін қайтып оралмаған.
Жоғалған ер адамның бойы 170-175 см, дене бітімі орташа, шашы қара, мұрны түзу, ерні жұқа, құлағы қалқаңдау. Үстіндегі киімі туралы айта алмады.
«Жедел іздестіру шарасы барысында криминалдық полиция қызметкерлері және учаскелік полиция инспекторлары қонақ үйлер, жалға берілетін пәтерлер, компьютер клубтары, сауда орталықтары, түнгі клубтар, шаруа қожалықтары, авто айлақтар, қараусыз қалған құрылыс, алаңдары, мен нысандары, саябақтар мен қоғам көп жиналатын орындар, кәріз коллекторлары, авто көлік тұрақтары, қоғамдық демалыс орталықтар, саяжайлар, өзендер мен су айдындарын тексеріп шығып, қоғамдық көліктер, мен жеке тасымалдаумен айналысатын такси жүргізушілерінен сұрастырды», — дейді ведомстводан.
Полиция қызметкерлері жоғалған Көкен Нұрлан туралы қандай да бір ақпарат болатын болса, дереу 8(716-2) 29-10-67, 29-10-68, 29-11-22, 8-778-907-03-01 немесе Ақмола облысы ПД кезекші бөлімінің телефондары бойынша: 8 (716-2) 29-10-07, 29-10-08 полицияға хабарлауды сұрайды.
Сіз жаңалықтар туралы не ойлайсыз