Танымал LIFE KZ YouTube-арнасының блогерлері Жанар Құсайынова, Ринат Кибраев және Валерий Кудрявцев Алматы қаласының бас санитария дәрігері Жандарбек Бекшинмен жоспарланған кездесуді өткізе алмады, деп хабарлайды Qazaqpress Tengrinews.kz-ке сілтеме жасап.
Кездесу Қоғамдық денсаулық сақтау департаментінде бейсенбіге жоспарланған болатын.
Сол күні Жандарбек Бекшин денсаулық сақтау министрі Алексей Цоймен кенеттен кездесуге кеткені белгілі болды.
Блогерлерді санэпидқызмет ғимаратының кіреберісінде күзет өкілдері қарсы алды. Олар ары қарай ішке кіргізілмеді. Қызметкерлер блогерлерді дәретханаға да жіберуден бас тартты.
Еске салайық, алдыңғы аптада блогерлер Бекшиннің ведомствосында шу шығарды. Белсенділер ведомство ғимаратына кіріп, әкімшілік ғимараттың әр қабатын аралап, кабинеттерге кіріп, департамент қызметкерлерін камераға түсіріп, олармен сөйлескен болатын.
Сонымен қатар, видеода санэпидқызмет ғимаратындағы дәретхана көрсетілген: «еден лас, сабын салғыш лас, кафель сынып кеткен, айнасы жуылмаған».
Осы жолы блогерлер тәртіпбұзушылықтардың жойылғанын тексеруге барған. Алайда кіре алмады.
Сіз жаңалықтар туралы не ойлайсыз