Индустрия және инфрақұрылымдық даму министрінің бірінші орынбасары Қайырбек Өскенбаев тұрғын үй бағасы қашан тұрақтанатыны туралы айтып берді, деп хабарлайды Qazaqpress ҚазАқпаратқа сілтеме жасап.
«Біз апта сайын жылжымайтын мүлік бағасын бақылап отырамыз. Жаңа бағдарлама енгізілгеннен кейін, тұрғын үй бағасы көтеріле бастады. Бастапқы нарықтағы тұрғын үй құны қаңтарда 3 %-ға, қайталама нарықтағы тұрғын үй 17 %-ға қымбаттады. Наурызда бағаның өсуі тоқтады. Біріншісі 0,5 %, ал екіншісі 2 % қымбаттады. Сәуір мен мамыр айларында өсім тоқтайды, ал маусым мен шілдеде бағалар тұрақтанады деп ойлаймыз», – деді вице–министр орталық коммуникациялар қызметінде өткен баспасөз мәслихатында.
Министрліктің болжамына «Отбасы банк» төрайымы Ләззат Ибрагимова қосылмайды.
«Жылжымайтын мүлік құнында өте үлкен үлес еңбек ресурстарына тиесілі. Егер сіз Қазақстандағы орташа жалақы статистикасына көз жүгіртсеңіз, онда 2020 жылдың төртінші тоқсанының соңында ол 233 136 теңгені құрады. Бүгін ресми статистика шықты. Бірінші тоқсанның қорытындысы бойынша орташа атаулы жалақы шамамен 11% өсті. Тиісінше, краншылардың, монолит құятын қызметкерлердің, әрлеушілердің еңбекақысы жылжымайтын мүліктің бастапқы нарығына әсер етеді. Біз өз тарапымыздан мамыр айының соңынан маусым айының басына дейін алдын-ала болжағандай жылдың екінші жартысында баға нарығы тұрақталатындығын талдаймыз және есептейміз », – деп аяқтады Ибрагимова.
Сіз жаңалықтар туралы не ойлайсыз