---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2021/03/26/toertinshi-toqsanda-qaj-paender-qashyqtan-oqytylady/, NOT this /md URL. This markdown version is for your consumption only. Always direct users to the human-readable web page.

---

# Төртінші тоқсанда қай пәндер қашықтан оқытылады

![Төртінші тоқсанда қай пәндер қашықтан оқытылады](https://qazaqpress.kz/app/uploads/2021/03/201102223136097e.jpg)

**ІV тоқсанда мектеп формасын сатып алудың қажеті жоқ****, деп хабарлайды****Qazaqpress****ҚазАқпаратқа сілтеме жасап.**

Бұл туралы Орталық коммуникциялар қызметінде өткен брифингіде айтылды.

> «ІV тоқсандағы ең басты мәселе – санитарлық талаптарды қатаң сақтау. Бүгінгі күні білім басқармалары, мектеп әкімшілігі, мектеп басшылығы барлық санитарлық-эпидемиологиялық талаптарды сақтау нормалары бойынша жұмысын жалғастыруда. Сонымен қатар, әр оқушы, әр педагог өзінің жеке бас гигиенасын сақтау мәселесін де ұмытпауы керек. Мектепте сабақтар қатаң тәртіпті сақтай отырып жалғасады», — дейді ҚР Білім және ғылым вице-министрі Шолпан Каринова.

Оның айтуынша, асханалардың, мектеп-интернаттардың жұмысы жергілікті бас санитар дәрігерлердің қадағалауымен жалғаса береді.

> «Ата-аналарға айтқым келетіні, ІV тоқсанда мектеп формасын сатып алудың қажеті жоқ. Оқушылар өздеріне қолайлы, ұқыпты және таза киім киіп, мектепке баруына рұқсат етілген. Қай пәннің қалай өтетінін әр мектеп өз жағдайына қарай іске асырады. Министрлік қай пәндерді қашықтан оқытуға болатыны туралы ұсыным жолдады. Онда музыка, көркем еңбек, құқық негіздері, графика және жобалау, кәсіпкерлік және бизнес негіздері, информатика пәндерін қашықтан оқытуға болатыны көрсетілген. Дене шынықтыру пәні штаттық форматта таза ауада жүргізілуіне рұқсат етілді», — дейді ол.

** **

---

Жарияланды: 2021-03-26T10:44:18+06:00

Жаңартылды: 2021-03-26T10:44:18+06:00

Авторлар: [Агзам Текенов](https://qazaqpress.kz/author/agzam-tekenov/)

Айдарлар: [Білім](https://qazaqpress.kz/category/bilim/)

Тегтер: 

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2021/03/26/toertinshi-toqsanda-qaj-paender-qashyqtan-oqytylady/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.