Алматыда массаж салонының атын жамылып жұмыс істеген тағы бір жезөкшелер үйі анықталды, деп хабарлайды Qazaqpress Polisia.kz-ке сілтеме жасап.
Медеу ауданында интим сипаттағы қызметтер көрсететін жезөкшелер үйі анықталды. Онда 20-дан 33 жасқа дейінгі қыздар ақшалай сыйақы үшін өз клиенттеріне боди массаж жасаумен айналысқан.
– Мұндай массаж процедурасының құны шамамен 20 мыңнан 40 мың теңгеге дейін тұрады. Жеке үйдің ғимаратында алкоголь ішімдіктерге толы бар мен демалыс бөлмелері болған. Жеті қыздың алтауы – әр облыстан келген отандасымыз, ал біреуі – Өзбекстан Республикасының азаматшасы. Мұндай боди массаж интим қызмет түрі деп саналады және жезөкшелікпен теңестіріледі, сәйкесінше мұндай қызмет түрін ұсынушылар базаға жезөкшелікпен айналысатын адамдар ретінде енгізіледі. Жеке басын анықтау және тиісті шаралар қабылдау үшін барлық «массаж жасаушы» полиция басқармасына жеткізілді, – деп хабарлады Алматы қалалық ПД Криминалдық полиция басқармасының бастығы Еркін Іңкәров.
Сіз жаңалықтар туралы не ойлайсыз