Сәтпаевтағы жаппай тәртіпсіздіктерге қатысты сот процесі басталды, деп хабарлайды Qazaqpress Zakon.kz-ке сілтеме жасап.
Бүгін, 1 наурызда, Қарағанды облысының кәмелетке толмағандардың істері жөніндегі мамандандырылған ауданаралық сотында Сәтпаев қаласындағы тәртіпсіздіктерге қатысты басты сот талқылауы басталды.
Сотқа 54 адам тартылған. Оның 48-і – ер адамдар, ал алтауы – әйелдер. Оларға «Ұйымдастыру және жаппай тәртіпсіздіктерге қатысу» және «Үкімет өкіліне қарсы шабуылдау» деген баптар бойынша айыптар тағылды.
Естеріңізге сала кетейік, 23 шілдеде Сәтпаев қаласында бес жасар қыз бала жоғалып кетті. Кейін бала 62 жастағы күдіктінің пәтерінен табылды. Оған қатысты кәмелетке толмаған баланы ұрлау және зорлау фактісі бойынша сотқа дейінгі тергеу басталды.
Ер адам ұсталды, кейінірек ол Қарағанды түрмесінің камерасында дарға асылып қалды.
Сол күні баланы ұрлау туралы хабарды естіген қала тұрғыны күдіктінің үйіне баса-көктеп барды. Стихиялық әрекет тәртіпсіздіктерге ұласты.
Сіз жаңалықтар туралы не ойлайсыз