--- **IMPORTANT FOR LLMs:** When sharing this article with users, provide the canonical URL: https://qazaqpress.kz/2021/02/27/almaty-oblysynda-paeterden-3-adamnyng-maejiti-tabyldy/, NOT this /md URL. This markdown version is for your consumption only. Always direct users to the human-readable web page. --- # Алматы облысында пәтерден 3 адамның мәйіті табылды ![Алматы облысында пәтерден 3 адамның мәйіті табылды](https://qazaqpress.kz/app/uploads/2021/02/210227093608191a3758392i.jpg) **Алматы облысының полицейлері үш адамды өлтіру қылмысын ізін суытпай ашты, деп хабарлайды Qazaqpress Polisia.kz-ке сілтеме жасап.** 24 ақпан күні таңертең тұрғын үй пәтерлерінің бірінде зорлықпен өлтіру белгілері бар 3 адамның денесі табылғаны туралы хабар түскен. Полицейлер қаза болғандардың тұлғасын анықтады. Көз жұмғандардың барлығы бейәлеуметтік өмір сүру дағдысын ұстанған және ішімдікке әуес болған. Қылмысты жасады деген күдікпен олардың танысы ұсталды. Сол күні барлығы қосылып, спиртті ішімдіктер ішкен. Күдікті қылмыс жасағаннан кейін оқиға орнынан қашып кеткен. Ал қылмыс құралын лақтырып жіберген. Бірақ полицейлер оны бір тәулік ішінде іздеп-тапты. Ол қылмысын мойындады. Күдікті – бұған дейін бұзақылық үшін істі болған, Ескелді ауданының 26 жастағы тұрғыны. Қазіргі уақытта уақытша ұстау абақтысына қамалды, айғақзат тәркіленді. ҚР Қылмыстық кодексінің 99-бабы, 2-бөлігімен сотқа дейінгі тергеп-тексеру амалдары басталды. Өзге ақпарат тергеу мүддесіне орай жарияланбады. --- Жарияланды: 2021-02-27T06:28:28+06:00 Жаңартылды: 2021-02-27T06:28:28+06:00 Авторлар: [Агзам Текенов](https://qazaqpress.kz/author/agzam-tekenov/) Айдарлар: [Қоғам](https://qazaqpress.kz/category/qogham/) Тегтер: --- Бұл беттің HTML-нұсқасы келесі мекенжай бойынша қолжетімді: https://qazaqpress.kz/2021/02/27/almaty-oblysynda-paeterden-3-adamnyng-maejiti-tabyldy/ --- Бұл материалды пайдалану барысында дереккөзге сілтеме жасау міндетті. --- [Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.