---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2021/02/19/toqaev-pwtinmen-telefon-arqyly-soejlesti/, NOT this /md URL. This markdown version is for your consumption only. Always direct users to the human-readable web page.

---

# Тоқаев Путинмен телефон арқылы сөйлесті

![Тоқаев Путинмен телефон арқылы сөйлесті](https://qazaqpress.kz/app/uploads/2021/02/cf8abf012b2a02a520acdeb1a190fe33.jpg)

**Мемлекет басшысы Қасым-Жомарт Тоқаев Ресей Президенті Владимир Путинмен телефон арқылы сөйлесті,** **деп хабарлайды****Qazaqpress** **Akorda****.****kz****-ке сілтеме жасап.**

Мемлекет басшылары екіжақты ынтымақтастық пен Еуразиялық экономикалық одақ аясындағы өзара іс-қимыл мәселелерін егжей-тегжейлі талқылады.

Қазақстан Президенті екі елдің пандемияға қарсы күрес жұмыстарына оң бағасын берді. Қарағанды   қаласында «Спутник V» вакцинасының өндірісі іске қосылды. Екі елдің үкіметтері ресейлік вакцинаны Қазақстанға жеткізу туралы келісімге келді.

Өзара уағдаластықтар мен тапсырмаларды орындау мақсатында екі ел үкіметтері бір-бірімен тығыз қарым-қатынаста жұмыс істеп, нақты шешімдер қабылдап жатыр. Биыл Көкшетау қаласында Қазақстан мен Ресейдің аймақаралық ынтымақтастық форумын өткізу туралы келісім жасалды.  Ал оны өткізу формасына қатысты нақты шешім эпидемиялық жағдайға байланысты қабылданады.

Владимир Путин Қасым-Жомарт Тоқаевтың Еуразиялық экономикалық одақты одан әрі дамытуға және оның әлеуеті мен беделін нығайтуға қатысты барлық ұсыныстарымен келісті. Президенттер аталған интеграциялық бірлестіктің қызметіне қатысты мәселелерді шешу үшін өзара тығыз байланыста жұмыс істеуге уағдаласты.

Тараптар халықаралық нарықтағы бүгінгі үдерістер мен сын-қатерлерді ескере отырып, энергетика саласындағы бірлескен жұмыстарды жалғастыруға келісті.

Мемлекет басшылары екіжақты ынтымақтастық пен Еуразиялық интеграцияның негізгі проблемаларына қатысты екі елдің ұстанымдары мен көзқарастарының сәйкес келетініне көңілдері толатынын айтты.

---

Жарияланды: 2021-02-19T03:43:27+06:00

Жаңартылды: 2021-02-19T03:43:27+06:00

Авторлар: [Агзам Текенов](https://qazaqpress.kz/author/agzam-tekenov/)

Айдарлар: [Саясат](https://qazaqpress.kz/category/sayasat/)

Тегтер: 

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2021/02/19/toqaev-pwtinmen-telefon-arqyly-soejlesti/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.