Сәтбаевтағы жаппай тәртіпсіздік ісі бойынша 54 адам сот алдына келді, деп хабарлайды Qazaqpress Tengrinews.kz-ке сілтеме жасап.
Қарағанды облысының кәмелетке толмағандар істері жөніндегі мамандандырылған ауданаралық сотының судья-үйлестірушісі Елена Баткульдинаның сөзінше, басты сот талқылауы 1 наурызға белгіленді.
– 18 ақпанда Сәтбаевтағы тәртіпсіздік бойынша алдын-ала тыңдау болды. 1 наурызға басты сот талқылауы белгіленді. 54 сотталушы бар, оның ішінде бастапқыда үшеуі кәмелетке толмаған, бірақ желтоқсан айында біреуі 18 жасқа толды, – деді судья-үйлестіруші.
Елена Баткульдинаның айтуынша, тағы екі адамға іздеу жарияланған.
Еске салайық, өткен жылдың 23 шілдесінде Сәтбаев қаласында 5 жасар қызды ұрланған болатын. Сол түні бала жергілікті тұрғындардың бірінің пәтерінен табылды. Бұл дерек бойынша баланы ұрлау және зорлау туралы қылмыстық іс қозғалған болатын.
Сіз жаңалықтар туралы не ойлайсыз