Солтүстік Қазақстан облысы Новоишимское елдімекеніндегі элеваторда 36 жастағы жұмысшы қаза тапты, қазір осы іске байланысты тергеу жүріп жатыр, деп хабарлайды Qazaqpress ҚазАқпаратқа сілтеме жасап.
СҚО полиция департаменті баспасөз қызметінің мәліметінше, 9 ақпан күні Ғ. Мүсірепов атындағы ауданның полиция бөліміне шамамен сағат 16.00-де Новоишимское ауылының «АқНанСевер» ЖШС элеваторынан оқыс оқиға жайында хабарлама түседі.
Дәнді дақылдарды сақтауға арналған металл силосты тазалау кезінде шұңқыр пайда болып, 36 жастағы жұмысшы шұңқырға құлап мерт болған.
Оның денесі шамамен сағат 23.00-де сыртқа шығарылды.
Жедел-тергеу тобы оқиға орнын қарап, куәгерлерден жауап алды.
Өндірісте қаза болу фактісі Сотқа дейінгі тергеп-тексерудің бірыңғай тізіліміне «Еңбектi қорғау қағидаларын бұзу» бабы бойынша енгізілді.
«Оқиғаны толық және объективті анықтауға бағытталған тергеу жүргізіліп жатыр. Ауыл шаруашылық құрылымдарының басшылары мен жауапты тұлғаларды адам өмірі мен денсаулығына қауіп төндіретін жұмыстарды заңнаманы қатаң сақтай отыра жүргізу қажеттігі туралы ескертеміз», — деді Ғ.Мүсірепов аудандық полиция бөлімінің бастығы Марат Әлжанов.
Сіз жаңалықтар туралы не ойлайсыз