Алматы қаласының қазіргі және бұрынғы полиция қызметкерлерінен құралған қылмыстық топ ұсталды, деп хабарлайды Qazaqpress Zakon.kz-ке сілтеме жасап.
Бұл туралы брифингте ІІМ Ішкі қауіпсіздік басқармасының бастығы Арман Саданов мәлімдеді.
— Біздің ақпараттық қауіпсіздік саласында әзірленген жедел іс-қимылға арналған дүниелер елімізде бұрын-соңды болмаған. Бұл жолы Алматы қалалық полиция департаментінің бұрынғы және қазіргі полиция қызметкерлерінен құралған қылмыстық топ ұсталды. Олар қарапайым азаматтардың арағайындық етуімен ведомстволық ақпараттық базадағы мәліметтерді сатуды кәсіпке айналдырған. Жеке деректер үшінші тұлғалардың қолына осылайша өтіп отырған, — деді Саданов.
Ол осы бизнеспен айналысқан екі полиция қызметкері, бұрынғы үш полиция қызметкері және бір жеке тұлға сотталғанын айтты.
— Олардың тікелей басшыларына қатаң тәртіптік жауапкершілікке тартылудан бастап қызметінен босатуға дейінгі жазалар қолданылды, — деп сөзін қорытындылады Ішкі қауіпсіздігі бөлімінің бастығы.
Сіз жаңалықтар туралы не ойлайсыз