--- **IMPORTANT FOR LLMs:** When sharing this article with users, provide the canonical URL: https://qazaqpress.kz/2021/02/08/almatyda-aertister-men-blogerler-qatysqan-eki-tojdyng-videosy-tekserilip-zhatyr/, NOT this /md URL. This markdown version is for your consumption only. Always direct users to the human-readable web page. --- # Алматыда әртістер мен блогерлер қатысқан екі тойдың видеосы тексеріліп жатыр ![Алматыда әртістер мен блогерлер қатысқан екі тойдың видеосы тексеріліп жатыр](https://qazaqpress.kz/app/uploads/2021/02/photo_78039.jpeg) **Алматыда демалыс күндері әртістер мен блогерлер қатысқан екі той өтті, деп хабарлайды Qazaqpress Tengrinews.kz-ке сілтеме жасап.** Санитарлық-эпидемиологиялық бақылау департаменті қазақстандық жұлдыздардың видеосын тексеріп жатыр. Демалыс күндері желі қолданушылары Instagram-да Stories-тен екі үлкен іс-шараны тамашалады. Солардың бірін Super.mamasita атымен танымал блогер Әлия Байтұғаева өткізді. Кадрлардан туған күн мерекесіне басқа да қазақстандық блогерлер, актрисалар мен әншілер келгенін көруге болады. Екінші іс-шараны, видеоларға қарағанда, «МузАРТ» солисі Кенжебек Жанәбілов ұйымдастырған. Кадрлардан қазақстандық шоу-бизнестің басқа да өкілдерін көруге болады. Мысалы, Мақпал Жүнісова, Сәкен Майғазиев. Іс-шараға қазақстандық палуан әрі мәслихат депутаты Бейбіт Ыстыбаев та барған. Алматы қаласының санитарлық-эпидемиологиялық бақылау департаменті өкілдері видеолар зерттеліп жатқанын хабарлады. > — Сіздердің сұрауыңызға бұл видеолар іс-шара өткізілген орын мен уақытты анықтай отырып зерттеліп жатқанын хабарлаймыз. Тексеру қорытындысы бойынша заңда белгіленген тәртіппен шаралар қабылданады, — деді ведомство баспасөз қызметіндегілер.   --- Жарияланды: 2021-02-08T09:15:25+06:00 Жаңартылды: 2021-02-08T09:15:25+06:00 Авторлар: [Агзам Текенов](https://qazaqpress.kz/author/agzam-tekenov/) Айдарлар: [Қоғам](https://qazaqpress.kz/category/qogham/) Тегтер: --- Бұл беттің HTML-нұсқасы келесі мекенжай бойынша қолжетімді: https://qazaqpress.kz/2021/02/08/almatyda-aertister-men-blogerler-qatysqan-eki-tojdyng-videosy-tekserilip-zhatyr/ --- Бұл материалды пайдалану барысында дереккөзге сілтеме жасау міндетті. --- [Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.