Павлодарда терезеден ағашқа секірген ер адам құтқарылды, деп хабарлайды Qazaqpress Pavlodarnews.kz-ке сілтеме жасап.
Ол неліктен секіргенін айта алмады.
– Төтенше жағдайлар департаментіне Гагарин көшесінде ағашта отырған ер адам туралы хабарлама келіп түскен. Құтқарушыларды учаскелік полицей шақырған. Ол ер адам терезеден ағашқа секіргенін және 3-қабаттың деңгейінде отырғанын айтқан. – Құтқарушылар баспалдақ арқылы ер адамды төмен түсіріп, полиция қызметкеріне тапсырған. Оқиға орнына бес адам жұмылдырылды, – деді ТЖ департаментінде.
Облыстық полиция департаментінің мәлімдеуінше, 48 жастағы павлодарлық өңірлік психикалық-неврологиялық диспансердің есебінде тұр. Құқық қоғаушылардың айтуынша, ер адам 3-қабатта тұратынын растап, терезеден секіргісі келмегенін және ағашқа қалай тап болғанын білмейтінін айтқан.
Сіз жаңалықтар туралы не ойлайсыз