Маңғыстау облысында полиция қызметкерлері пәтер алаяғын ұстады, деп хабарлайды Qazaqpress Polisia.kz-ке сілтеме жасап.
Ақтау қаласының бірнеше тұрғыны полиция басқармасына алаяқ әйелге қатысты шара қабылдау туралы арызбен жүгінген.
Арызданушылардың айтуынша, 2020 жылғы 4 қазан — 2021 жылғы 10 қаңтар аралығында алаяқ ипотекаға пәтер сатып алуға көмектесуге уәде беріп, олардың әрқайсынан түрлі сомада ақша алған. Алайда уәде етілген пәтерге қолдары жетпеген тұрғындар алаяқтың тұзағына түскендерін түсініп, полицияға шағымданған.
Тұрғындар алаяққа төрт миллион теңгеден аса сомаға алданғаны хабарланды. Жедел-іздестіру іс-шаралары барысында полиция қызметкерлері осы қылмысты жасауға күдікті ретінде 34 жастағы әйелді анықтап, полиция бөліміне жеткізді.
Алаяқтық деректері бойынша тергеу амалдары жүріп жатыр.
Сіз жаңалықтар туралы не ойлайсыз