Жамбыл облысы бойынша Сыбайлас жемқорлыққа қарсы қызмет еңбек, әлеуметтік қорғау және көші-қон комитетінің Жамбыл облысы бойынша департаментінің басшысына қатысты қылмыстық істі тергеп жатыр, деп хабарлайды Qazaqpress ҚазАқпаратқа сілтеме жасап.
Бұл туралы AntikorNEWS алаңында ҚР Сыбайлас жемқорлыққа қарсы іс-қимыл агенттігінің аса маңызды істер жөніндегі тергеушісі Данияр Бекайдаров айтты.
«Ол қарамағындағы қызметкерден оны департамент бастығының орынбасары лауазымына тағайындауға жәрдем көрсету үшін алынған 2 млн теңге сомасындағы параны лауазымды тұлғаларға беруге итермелеу және алаяқтық күдігі бойынша еңбек, әлеуметтік қорғау және көші-қон комитетінің Жамбыл облысы бойынша департаментінің басшысы тергелуде. Қазіргі уақытта қылмыстық іс сотқа берілді», — дейді ҚР Сыбайлас жемқорлыққа қарсы іс-қимыл агенттігінің аса маңызды істер жөніндегі тергеушісі Данияр Бекайдаров.
Оның айтуынша, күдіктінің кінәсіне қатысты түпкілікті шешімді сот шығарады.
Сіз жаңалықтар туралы не ойлайсыз