Алматы облысында 22 жастағы жігіт қайтыс болғаннан кейін полиция басшысы жұмыстан босатылды, деп хабарлайды Qazaqpress Tengrinews.kz-ке сілтеме жасап.
Ведомство мәліметінше, осы дерек бойынша сотқа дейінгі тергеу жүріп жатыр.
– Қылмыстық іспен бір мезгілде суицид дерегі бойынша қызметтік тергеу жүргізілді, оның нәтижелері бойынша полиция қызметкерлерінің іс-әрекеттерінде қызметтік беделдің түсуі анықталды.
Тәртіптік комиссияның шешімі бойынша бұрын өз еркімен жұмыстан босату туралы рапорт берген төрт полиция қызметкері бүгінгі күні теріс себептермен ішкі істер органдарынан шығарылды. Ақсу аудандық полиция басшысы қызметінен босатылды, – деді полицейлер.
Еске салайық, 22 жастағы жігіт 2020 жылдың соңында өз-өзіне қол жұмсаған болатын. Ауыл тұрғындарының айтуынша, ол полицеймен карта ойнап, одан ұтылып қалған.
Сіз жаңалықтар туралы не ойлайсыз