Журналист әрі саяси шолушы Никита Шаталов ірі қалалардағы халықтың сайлауға қатысу көрсеткіші неліктен төменірек болғаны туралы пікір білдірді, деп хабарлайды Qazaqpress ҚазАқпаратқа сілтеме жасап.
«Үгіт-насихат жұмыстары барысында популизм өте көп болды. Бір жағынан оның да теріс жағын көріп отырмыз. Біз Қазақстанның ірі үш қаласында, Алматы, Нұр-Сұлтан мен Шымкентте халықтың сайлауға аз келгенін көрдік. Бұл қаладағы орта таптың мобилизациясын білдірсе керек. Яғни ондағы азаматтардың көбі бұл сайлауға аса құлық таныта қоймайды. Мәселен, Қазақстан халық партиясы шығып, «біз несиелік амнистияны қолдаймыз» десе, сол орта таптағы «тұра тұрыңыздар, біз салық төлеп жатырмыз ғой, біздің есебімізден біреудің несиесін өтемексіздер ме?» деп шек қояды. Ал «Ақ жол» партиясы Алаш партиясының идеясын тірілтеміз десе, сол орта тап «бізде өзіміздің бірегейлімігіз қалыптасып қалды, сондықтан күн тәртібіміз басқа» деуі мүмкін. Көбінесе сол орта таптың біраз өкілін сайлауға әкелген – Nur Otan. Себебі, бұл партия аса бір шұғыл бұрылыссыз келе жатыр. Десе де аталмыш партияға орта таптың толық симпатиясы болды деп тағы айта алмаймыз», – дейді Никита Шаталов.
Сіз жаңалықтар туралы не ойлайсыз