Қазақстан өлім жазасынан ресми түрде бас тартты, деп хабарлайды Qazaqpress Ақордаға сілтеме жасап.
Мемлекет басшысы тиісті заңға қол қойды.
— Мемлекет басшысы «Өлім жазасының күшін жоюға бағытталған Азаматтық және саяси құқықтар туралы халықаралық пактіге Екінші Факультативтік Хаттаманы ратификациялау туралы» Қазақстан Республикасының Заңына қол қойды», — делінген хабарламада.
2003 жылы Қазақстанда өлім жазасына мораторий енгізілді, бірақ содан бері елде ондай бірде-бір оқиға тіркелмеді.
«Қазақстан өлім жазасынан бас тартуға ықпал ететін халықаралық пактіге қосылды. Ауыр жазадан бас тарту — құқықтық қоғам, гуманистік қағидаттарға негізделген мемлекет құру жолындағы маңызды қадам екені сөзсіз», — деді Парламент Сенатының төрағасы Мәулен Әшімбаев.
Халықаралық хаттамаға сәйкес Қазақстанда өлім жазасы жойылғаннан кейін оны соғыс уақытында қолдану құқығы қалады.
Сіз жаңалықтар туралы не ойлайсыз