Түркістан облысында «Пиротехника» жедел-профилактикалық іс-шарасы өткізілуде, деп хабарлайды Qazaqpress ҚазАқпаратқа сілтеме жасап.
Сарыағаш АПБ-нің қызметкерлері кезекті рейд жүргізу барысында екі бірдей дүкен сатушысы заңсыз отшашу құралдарын сатып жатқанын анықтады. Тәртіп сақшылары аталған жайтқа байланысты ҚР ҚК-нің 196-бабы «Көрiнеу қылмыстық жолмен табылған мүлiктi иемдену немесе өткізу» бойынша хаттама толтырылып, тауар толығымен өндіріліп алынды.
Сонымен қатар, сауда орындарының сатушыларына карантин талаптары мен пиротехникалық заттарды қолданудың қауіпсіздік ережелері, пиротехникалық бұйымдарды сатуда арнайы лицензияның болуы бойынша түсіндірме жұмыстары жүргізілді.
Сондықтан Түркістан облысының полицейлері тұрғындар назарына, пиротехниканы пайдалану кезінде қауіпсіздік ережелерін қатаң сақтау міндетті екенін ескертеді. Себебі от шашу кезінде адамдардың денсаулығына қауіп төнуі әбден мүмкін.
Discussion about this post