Қазығұрт ауданында қаруланған ер адам ұсталды, деп хабарлайды Qazaqpress Polisia.kz-ке сілтеме жасап.
Кешкі 21:40 шамасында Қазығұрт аудандық полиция басқармасының кезекші бөліміне белгісіз ер адам қару ұстап көшеде жүргені туралы хабарлама келіп түсті.
Оқиға орнына криминалдық полиция қызметкерлері мен жедел-тергеу тобы дереу аттанды. Жедел-іздестіру іс-шараларының нәтижесінде полиция күдіктіні моншалардың бірінің жанында ұстады.
«Lada көлігін тінту барысында жедел уәкілдер жолаушыға тиесілі аңшы қаруы мен оқтарды тәркіледі. Полиция қызметкерлері күдікті бұрын сотталған жергілікті тұрғын екенін анықтады. Ол ұсталды», — делінген хабарламада.
Бұл дерек ҚР Қылмыстық кодексінің 287-бабы («Қаруды, оқ-дәрілерді, жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру») бойынша тіркелді. Іс сотқа жіберілді.
Сіз жаңалықтар туралы не ойлайсыз