Өскемен, Семей қалаларында және Бородулиха ауданында көлік өртенген, деп хабарлайды Qazaqpress ҚазАқпаратқа сілтеме жасап.
ШҚО Төтенше жағдайлар департаменті баспасөз қызметінің мәліметіне сүйенсек, 27 желтоқсанда Семейдегі Аэропортовский көшесінде орналасқан жер үйдің ауласында «Daewoo Matiz» көлігінің қозғалтқышы өртенген.
«Сондай-ақ, өрт сөндірушілер Өскемендегі Менделеев көшесінде 1992 жылғы «Mazda 626» автокөлігін шарпыған, жалпы ауданы 3 шаршы метрді құраған тілсіз жауды ауыздықтады. Бұдан бөлек, Бородулиха ауылындағы «Volkswagen Multivan» көлігіндегі өрт сөндірілген. Көлік қозғалтқышында шыққан қызыл жалынның аумағы 2 шарты метрге жетті», — деп хабарлады ведомство өкілдері.
Үш оқиғада да өрттің шығу себебі қауіптілігі жоғары агрегатпен абайсыз жұмыс атқарудан болуы мүмкін.
Сіз жаңалықтар туралы не ойлайсыз